-- Advertisements --
NATIONAL NEWS– Ginbabasol han Department of Labor and Employment (DOLE) an pag-igo hiton kalamidad han Oktubre nga nagresulta hiton paghitaas han kaso han waray trabaho ha nasud.
Sumala kan DOLE Secretary Bienvenido Laguesma, temporaryo la an paghitaas han ihap hiton mga waray trabaho, matungod nga ine in sakop la gihapon han ira
4.8 – 5.1 percent target para ha 2025.
Dugang pa han Kalihim, nga dire mapupugngan an pag-agi hiton mga bagyo.
Manunumduman, ginpagawas han Philippine Statistics Authority an resulta han Labor Force Survey han nakalabay nga Oktubre nga nagresulta hiton paghitaas hin 5 ka porsyento o 2.54 million an ihap hiton waray mga trabaho, kumpara ha 3.8 percent hadton Setyembre nga ada la ha 1.96-M nga Pinoy an waray trabaho.
