-- Advertisements --
NATIONAL – Bumaribad na hi Department of Justice Sec. Jesus Crispin Remulla nga pag-estoryahan hi anay Pres. Spokesperson Atty. Harry Roque.
Sumala kan Remulla, dire na kinahanglan pag-estoryahan hi Roque nga naatubang ha magkadurudilain nga kaso.
Dida han nakalabay, ginmalatumat han sekretarya nga natuo hiya waray pagbigyi han The Netherlands an hangyo ni Roque nga asylum ngadto.
Pero ha urhi ginbaton ni Roque hi Remulla ngan gintawag ini nga “fake news.”
Sumala naman kan Roque nga strike 2 na yana hi Remulla tungod han iya una nga pahayag nga an anay opisyal in mayda duha nga pasaporte, usa nga butang nga ginpanhimuwa han Department of Foreign Affairs (DFA).
