-- Advertisements --
NATIONAL – Waray plano hi Department of Justice (DOJ) Secretary Jesus Crispin Remulla, nga magtudlok hin officer-in-charge (OIC) ha National Bureau of Investigation (NBI).
Ine in kasunod han pagbubul-iw ha pwesto ni Director Jaime Santiago.
Sumala kan Remulla, nakasurat ha surat ni Santiago nga magpapabilin ine ha pwesto hasta nga mayda na mapili nga masaliwan ha iya.
Kumo respeto daw ha iya hangyo in dire la anay ine magtutudlok hin OIC.
Pagklaro hine nga waray nakakarawat nga hulga hi Santiago kun diin ha mga masunod nga adlaw in mag-iistorya hira.
Manunumduman nga dida han nakalabay nga semana in nagbul-iw hi Santiago ha pwesto mahitunod ha daw dire na hine naiilob an mga pakaraot ha iya.
