NATIONAL – Ginmadohan han DILG an mga lokal nga pangobyernuhan nga kausgon an ira mga pitad kasumpay ha sakit nga dengue.
Ini in kumo suporta han Department of the Interior and Local Government ha panawagan han Department of Health agud masolusyonan an tarhog han dengue.
Kasunod ini han mga nakalabay nga bagyo ngan habagat nga rason han mga pagbaha nga nagbutang ha damo nga komunidad ha mga sakit.
Kaupdo ha mga direktiba han DILG an pagbubuhat hin clean-up drive agud mapatay an ginuukyan han mga lamok, pag-tanggal han mga nakaimbak nga tubig, ngan paglimpoy ha mga kanal ngan drainage.
Ginaaghat gihapon han DOH ngan DILG an publiko labi na an mga pamilya nga igpabilin nga malimpyo an karibunan ngan dayon magpakonsulta ha doktor kun makaabat hin sintomas han dengue.
