TACLOBAN CITY- Maabot na ha 2 an nahipatik nga namatay, samtang ada naman ha 36 nga kaso an nahi-record han Department of Health Eastern Visayas, kasumpay ha liptospirosis tikang han magtikang an tuig 2024.
Sumala kan Information Officer, DOH Regional Office Vlll, Jelyn Lopez- Malibago, mas hitaas ine hin 44% kumpara han nakalabay nga tuig, nga mayda la 25 nga kaso, ngan 0 death han liptospirosis an rehiyon.
Ginpaangbit pa hine nga an mga ine in tikang ha probinsya han Leyte, Southern Leyte, Samar, Tacloban City, Northern Samar, Eastern Samar, Biliran, ngan Ormoc City,
Ginkikita naman nga rason han paghitaas han kaso ha rehiyon, in matungod ha sigidas nga pag-inuran han nakalabay nga mga bulan.
Padayon naman an pahinumdom ha publiko, nga batasanon an pagigin malimpyo ha kalugaringon agud nga makalikay ha bisan-anu nga klase hiton sakit, sugad han liptospirosis.
Mababaruan, an liptospirosis in nakukuha ha paglusong ha tubig-baha nga mahugaw kun diin gintutuohan nga kontaminado ha ihi ngan baya hiton mga yatot.
