-- Advertisements --
TACLOBAN CITY – Nanawagan an Department of Health (DOH) Regional Office 8 ha publiko nga gumamit o pumalit gihapon han mga generic nga mga medisina para ha ubo, sip-on ngan hiranat.
Sumala kan Jelyn Lopez-Malibago, tagapagyakan han DOH Regional Office 8, ha pagkayana in supresyente an suplay han mga medisina para ha trangkaso, sip-on ngan ubo ha mga botika ha rehiyon pero mayda pipira nga nagkakaubusan han mga branded nga mga medisina sugad nala han biogesic.
Ha kaluyo hini, in waray daw sadang nga igkabaraka an publiko tungod nga mayda man mga generic nga paracetamol nga pwede nga mapalit ha mga botika.
An mao nga generic nga medisina in kasing-epektibo han mga branded nga medisina nga nakikit-an ha mga advertisement.
