NATIONAL – Ginsigurado han Energy Task Force Election (ETFE) an kaandaman han Department of Energy (DOE) nga maghatag hin padayon ngan matatapusan nga suplay hin kuryente ha bug-os nga nasud ha tidaraon nga local and national election ha Mayo 12.
Sumala kan Energy Undersecretary Felix William Fuentebella, nakaposisyon na an mga contigency plan ngan padayon na gihapon an koordinasyon han Energy Task Force Election (ETFE) ha mga power producers, transmission operators, ngan fuel providers agud masigurado an talwas ngan hapsay nga piniliay.
Kaupod ha mga ginbuhat nga pitad an inspeksyon ngan maintenance han mga pasilidad han DOE, pre-election checks ha mga voting ngan canvassing centers, ngan pagsiguro ha operational nga Uninterruptible Power Supply (UPS) han Commission on Election (Comelec).
Kabulig han ETFE ha pangandaman an magkaduru-dilain nga ahensya han gobyero ngan pribado nga sektor, kaupod an Philippine Independent Power Producers Association, National Power Corporation, National Grid Corporation of the Philippines (NGCP), Independent Energy Market Operator of the Philippines, National Electrification Administration, National Transmission Corporation, Power Sector Assets and Liabilities Management Corporation, generation companies, distribution utilities, electric cooperatives, the Philippine National Oil Company (PNOC), ngan downstream oil industry players.
Kampante gihapon an DOE nga makakaya hine an ginlalauman nga hitaas nga demand ha kuryente ugsa, durante, ngan kahuman han piniliay.
