TACLOBAN CITY – Ginpatapod ni Leyte Division Superintendent Dr. Mariza Magan an Roaring Lions athletic team nga mabawi an kampeonato ha 2025 Eastern Visayas Regional Athletic Association (EVRAA) Meet, nga nagtikang han iya kataposan nga hugna ha Tacloban City dida han Miyerkules, Marso 5.
“As you embark on the final leg, remember that you are not just representing your division but also your families, schools, and communities. Let the spirit of sportsmanship and camaraderie guide you,” siring ni Magan.
“Give it your all, leave everything on the field, and make us proud! Go for gold and reclaim the championship title. May you return home victorious and proud,” dugang pa hini
Han Marso 5, hi Magan mismo an nagdumara han pagmonitor ngan pag-andam han Roaring Lions delegation agud masigurado an ira seguridad ha mga billeting area ha Kapangian Central School, syudad han Tacloban.
Dida han iya meet-and-greet han mga coach ngan atleta, kaupod an mga Assistant Schools Division Superintendents, Atty. Calick Arrieta ngan Teodorico Peleño Jr., Schools Governance and Operations (SGOD) Chief Gil Esplanada ngan iba pa nga mga opisyales han Dibisyon.
Ha medal tally han Department of Education Region 8, as of March 07, 2025, 3:00pm, in naikaduha na ini ha ranking nga mayda na total nga 80 nga mga medalya nga kun diin, 31 an Gold, 23 an Silver ngan 26 naman an Bronze.
Iginpaabot gihapon ni Magan an iya pinakamaupay nga pangandaman ha mga atleta han Leyte, naghalad liwat hiya hin pangadyi para han ira kalampusan.
Photo: Rojie Camiller/Leyte Light
Source: Leyte Light, the official DepEd Leyte EVRAA Publication
