NATIONAL–Nagpasalamat an Department of Interior and Local Government (DILG) ha mahimyang nga pagdumara han mga gios-protesta ha Metro Manila kakulop nga adlaw Dominggo ika 30 han Nobyembre, kadungan han Bonifacio Day.
Gintawag ni Interior Secretary Jonvic Remulla nga ‘generally peaceful’ an mga gios-protesta , kalakip an Trillion Peso March ha People Power Monument ha Quezon City ngan iba pa nga katitirok ha Rizal Park ngan Recto Avenue ha Manila.
Yinukot-yukot nga demonstrador an nanawagan nga papagbatunon an mga dabi han korapsyon kasumpay ha flood control projects.
Personal nga bumisita hi Remulla ha Recto kaupod an kapulisan ngan naghatag hin mensahe nga ‘peace to all mankind’.
Ha kaluyo han mga panawagan kontra ha administrasyon, nagpasalamat an DILG ha maupay ngan mahimyang nga pagpartisipar han publiko.
Ginsigurado gihapon ni Remulla nga tututukan han departamento an mga aligasyon han korapsyon.
Sumala ha mga organizers, umabot ha 30-K ngada ha 55-K an nagka-urusa ha mga rally, samtang ada naman ha 5-K an ihap tikang ha drone footage nga gintudlok hiton kapulisan.
