NATIONAL – Magbubuligay an Department of Information and Communications Technology, Department of Education, ngan pira nga institusyon pan-edukasyon ngan digital platform agud pakusgon an digital learning ha nasud.
Kun diin ginpirmahan han mga ine an usa nga Memorandum of Agreement nga mayda adbokasiya nga maiharani an digital education ha mga istudyante ngan komunidad.
Gin atenderan naman ine mismo han bag-o nga sekretarya han Department of Information and Communications Technology nga hi Secretary Henry Rhoel Aguda, Assistant Secretary Aurelio Paolo Bartolome han Department of Education, President Raquel Wong han kabulig nga institusyon ngan pati na gihapon han CEO han usa nga digital platform nga hi Bran Reluao.
Ha ginlunsar nga adbokasiya, manhahatag an mga ine hin 100 nga tablet ngan tulo nga satellite internet ha mga pampubliko nga iskuylahan ha Cebu.
Sanglit, iginpasalamat naman ine ni DICT Secretary Aguda mahuman nga igpahayag han usa nga digital platform CEO nga hi Bran Relau an ira pagtuod ha dako nga papel han digital technology ha pag-ursa han edukasyon ha nasud.
Dugang pa hine, nakasulod ha nasabi nga kasabutan an pagkikig-binuligay han mga ine ha Department of Information and Communications Technology nga mapaupay an curriculum ha mga educational institution nga nasusubay ha hingyap nga mapaursa an teknolohiya han nasud.
