TACLOBAN CITY – Gintagan pagklaro han Department of Information and Communication Technology o DICT an pira nga reklamo han publiko kasumpay hiton hacking account pinaagi han pag-connect han Free Wi-Fi han nga ginlunsar han DICT.
An mao nga free Wi-Fi in para ha ngatanan kun diin may pira nga mga netizens nga na hack an account mahuman nga mag-connect han Free Wi-Fi for All.
Baton naman han DICT, dire na nira sayop an nahihitabo nga hacking account incident, lugod in manginano ngan dire mag click hin bisan-anu nga mga link nga nagawas ha ira mga screen.
An mao nga Free Wi-Fi, in ada ha ilarom han Free Internet Access in Public Act R.A 10929, kun diin mayda ine 13,462 Wi-Fi sites ha nasud Pilipinas nga gin ponduhan hin 3.6 billion pesos ngan target naman hini ha tuig 2026 nga makagpatindog hin 30,000 Wi-Fi sites nga maabot naman ha 2.5 billion pesos an budget allocation.
Mayda naman ine kadagmit nga 200 Mbps tikang ha DICT ngan 50 Mbps naman ha Freq IT Solutions.
Ha 2024 update, aada naman ha 1,048 an total nga na-installed nga free Wi-Fi kun diin 245 in nahihimutang ha Leyte, 42 ha Southern Leyte, 72 ha Biliran, 123 naman ha Eastern Samar, 110 ha Samar, samtang 456 naman ha Northern Samar.
Manunumduman nga pinangunahan ini ni Pangulong Ferdinand Marcos dinhi ha Eastern Visayas ha MacArthur Park dida han nakalagay Hulyo 7, 2025.
