Nagdig-on an Department of Foreign Affairs (DFA) nga igpapabilin hini nga marig-on ngan propesyonal nga pamaagi han pagtagad ha mga isyu ha West Philippine Sea ngan diri mapaapekto ha mga batikos o komentaryo online.
Ha usa nga presscon, iginduon ni DFA spokesperson for Maritime Affairs Rogelio Villanueva Jr. nga igpapadayon han diplomats han Pilipinas an pakikig-engage ha ira counterparts ha madig-on ngan propesyonal nga paagi hin mayda parehas pagrespeto.
Igpapadayon gihapon han DFA an pagpapatuman han direktiba han Presidente kumo Chief Architect han foreign policy han Pilipinas.
Dugang pa ni Villanueva, diri nira tutugutan an ira kalugarungon nga mahingadto ha iginhulagway hine kumo pan-ubos tikang ha “casual commentators, non practitioners, ngan self-styled experts.”
Magpapabilin gihapon an diplomasiya kumo pangunahon nga gamit para ha pagsiguro ha mga estratehitiko nga prayoridad ha maritime domain.
Ginbuhat han DFA official an pahayag ha butnga han batikos tikang ha pira nga maritime policy analysts ngan eksperto ha balaod nga nakwestyon ha pagpili han buhatan ha mahimyang nga diplomasiya ha pagbatpon ha mga tensyon ha WPS.
