NATIONAL – Gin kumpirma han Department of Migrant Workers nga padayon la gihapon nira nga gin aadman an panawagan nga magkamay-ada hin deployment ban ha nasud Kuwait.
Sumala kan DMW Secretary Hans Leo Cacdac, magkakamay-ada anay hin pagharampang ha butnga han duha nga nasud kumo pagrespeto ngan pagkilala ha gobyerno hine.
Pero gin klaro naman hine nga an pagdudumaraon nga mahugot nga retriksyon pag-abot ha deployment han mga Overseas Filipino Workers in mas papahugton pa.
Dugang pa hine, karuyag nira nga mamonitor hin maupay an kabutang han mga Pilipino nga mananarabaho labi na ha mga domestic helpers didto.
Mahitungod hine, plano nga igpatuman han ahensya an polisiya nga ‘know your employer approach’ nga may panuyo nga siguraduhon nga kilala han aplikante an iya employer ugsa paman ine lumakat ha nasud.
