TACLOBAN CITY–Ginklaro han Department of Education Tacloban City an isyu kanit han usa ng magturutdo nga gindakop mahitungod han cyber libel.
Sumala ha Dr. Nilo Eder, Information Officer han DepEd City Division Tacloban City, nagpalusad an ira ahensya hin opisyal nga pahayag kanit hine kakulop, ika 27 han Pebrero, mahitungod nga nag-viral na an nasabi nga balita.
Subay kan Eder, ginkuha an balita hin usa nga nasyunal ngan mantalaan, ngan umabot gihapon ha ira central office, kun diin ginpahimo an ira management hin report kasumpay hine.
Pero, mahuman han pagberipika han impormasyon, nasabtan han ahensya nga samtang ha Tacloban nadakop an nasabi nga magturutdo, in dire ngay an ine ilarom hiton DepEd Tacloban City Division, butang nga nagdurot hin kasamok ha parte han mga mantalaan.
