TACLOBAN CITY – Positibo an Department of Education (DEPED) nga dako an maibubulig han plano nga paglakip han comprehensive sexuality education ha online learning modules han mga estudyante.
Sumala kan Dr. Nilo Eder, tagapagyakan han Tacloban DEPED City Division, dire na bag-o an mao nga inisyatibo tungod nga ngada pa han tuig 2018 han igpagawas an DEPED order han policy guidelines han implementasyon han comprehensive sexuality education.
Panuyuan hini nga matutduan an mga kabataan nga maging responsable sugadman malikayan an teenage pregnancy, sexual violence ngan pagsarang han sexually transmitted diseases.Aminado naman an mao nga opisyal nga dako nga ayat an implementasyon hini ha online learning modules labi na yana nga makuri an pagkontrol han paggamit han social media ngan internet han mga estudyante.
Nahibaruan nga subay ha statistics in humitaas an ihap han teenage pregnancy ha bug-os nga nasud ha kaluyo han nagpapadayon nga pandemic.
