TACLOBAN CITY–Ginpahimatngon han Department of Education (DepEd) an mga skwelahan nga buhaton an Christmas Party nga simple ngan mahinungdanon.
Sumala kan Dr. Nilo Eder, Information Officer han DepEd City Division, Tacloban City, nga basar han DepEd Order 52 series of 2022, ginpapatuman an pagbuhat han mga Christmas Party ha mga skwelahan pero dapat simple la an pagselebrar hini para dire kurian an mga estudyante ngan an ira mga kaganak.
Dugang pa hine, kinahanglan nga boluntaryo an mga kontribusyon ngan iglakipan mga estudyante bisan nga waray ine maidadara nga bisan anu.
Igindidiri naman an pagbuhat hin aktibidad gawas han skwelahan matungod nga damo an mga kinahanglan asikasuhon sugad hiton pagsarit ha division office ngan an pangolekta hin parents permit.
Gin-abisuhan naman han buhatan nga kun mahihimo in mahuman an klase ha petsa 19 han Disymbre ngan igpadayon ine ha petsa 5 han Enero sunod nga tuig.
