TACLOBAN CITY – Ginpanhimuwa han Department of Education (DEPED) an alegasyon nga daw in may nananabo nga military encampment ha probinsya han Northern Samar.
Sumala kan DEPED Secretary Leonor Briones, nga waray kamatuoran an mga akusasyon han grupo nga People Surge, ACT, BAYAN ngan SAGUPA Sinirangan Bisayas, nga daw kasabwat hira han mga nag-ookupar nga mga armado nga tropa han gobyerno ha mga eskwelahan.
Sumala gihapon ha usa nga report an DEPED Divsion han Northern Samar nga waray miliyary encampment nga nananabo ha mga eskwelahan mahitungod nga nagpakaposisyon an 78th Infantry Battalion ngan Civilian Auxiliary Force Geographical Unit harayo ha Rubas Elementary School ngan Villa Elementary School.
Ginklaro pa hini nga pira nga mga military personnel an kumadto la para magdeliver hin mga computer units ha Las Navas Navas High School.
