TACLOBAN CITY– Padayon an ginhihimo nga monitoring han Department of Education (DEPED) Regional Office Vlll, ha tanan nga mga eskwelahan ha Sinirangan Bisayas, kasumpra hiton nagpapadayon nga Oplan Balik Eskwela, ngan Brigada Eskwela 2025.
Sumala kan Jasmin Francisco Calzita Information Officer, DEPED Regional office Vlll, gindudumara an Oplan Balik Eskwela duha kasemana ugsa magtikang an klase.
Samtang an Brigada Eskwela naman in gindudumara 1 kasemana ugsa an opening of classes.
Gin-aaghat naman han mao nga opisyal, an mga magturotdo nga igpatuman hin mahugot nga NO collection policy partikular na ha nagpapadayon nga Brigada Eskwela.
Dugang pa ni Calzita, usa ha ira ginkikita nga problema hiton enrollment, in mahitungod damo nga mga enrollees an dire nagsusunod ha nakatalaan nga schedule hiton enrollment, lugod in napa enroll an mga ine ha oras nga nagtitikang na iton regular nga klase.
Ginpaangbit pa ni Calzita, nga mayda mga classrooms ha Sinirangan Visayas, nagkaguguba matungod hiton mga kalamidad nga umigo ha nasud, sanglit ira ine yana ginpapanginano.
