TACLOBAN CITY- Aminado an Department of Education Eastern Visayas, nga mayda mga kabataan nga nababayaan hiton pag-aram, labi na kun kulang ine ha suporta tikang ha kag-anak ngan sugadman inpluwensya hiton makabag-o nga teknolohiya.
Sumala kan Jasmin Francisco Calzita, Information Officer DEPED Regional Office Vlll, kanit ine ha nagin post han usa nga magturotdo ha Northern Samar, nga an iya mga estudyante in nakakuha hin hamubo nga score ha ira spelling quiz nga gindumara.
Pero ha kaluyo hine, in nagpapadayon an ira mga intervention, ha panutduan agud nga mabuligan an mga kabataan nga mabaro han ira mga academic subject.
Dugang pa ni Calzita, ine nga panhitabo in normal ngan dire nira maililirong nga mayda mga kabataan nga maluya ha klase.
Ginklaro naman ni Calzita, nga an pag-post han magturotdo ha social media, in dire agud nga paka-aluhan an mga estudyante, lugod in agud nga igpasabot o ig-address an problema hapagakayana hiton mga estudyante ha pira nga mga eskwelahan nga kinahanglan tagan hin solusyon.
Dugang pa ni Jasmine, abre an ira buhatan ha mga karuyag maghatag hin suhestyon para makabulig ha mga estudyante kun pati-unano han mga ine mas magkaka-sabay ha ira mga klase nga dire nababayaan.
