TACLOBAN CITY – Ginpahibaro han Department of Health Regional Office -8, ha publiko nga nakaghipatik yana an ira ahensya hin hitaas nga ihap han mga dengue cases ha bug-os nga rehiyon.
Sumala kan Exuperia Sabalberino, Regional Director han DOH Eastern Visayas, nga subay ha ira datos mayda 454 total active cases tikang han bulan han Enero kutob yana nga bulan hiton Agusto ine in mas hitaas kumpara han nakalabay nga tuig.
Samtang, ginpahibaro naman hine nga mild symptoms la an gin-aabat han mga active cases hapagkyana.
Dugang pa han mao nga opisyal, maabot naman ha 12 an ihap han mga pasyente nga naawatan han kinabuhi nga nagin positibo ha dengue yana nga tuig ngan ine gihapon in mas hitaas kumpara han nakalabay nga kaso han tuig 2021.
Nanawagan naman ine ha publiko, nga maghirot ngan maglimpyo han ira mga libong nga mayda mga posibilidad nga pwede bonayan hine nga mga lamok nga pwede makagdurot hin dengue.
Hapagkayana, padayon hira nga naghahatag hin mga pahimatngon ha mga lokal nga pangobyernohan ha rehiyon nga magkamayda hin mga aktibidad, kun pati-unano mapupugngan an dengue cases ha Sinirangan Bisayas.
Mababaruan nga pira ha mga sintomas han dengue amu iton, hiranat, mga small red dots ha lawas o ha butkon, ngan waray gana ha pagkaon, pananglitan maka-abat hin mga sugad nga sintomas mas makaka-upay nga magpakunsulta na ha hirani nga mga ospital para matagan hin dayon nga medikasyon.
