LEYTE, LEYTE – Usa nga delivery truck nga mayda karga nga construction materials an nadisgrasya ha may Sitio Mangaribo, Brgy. Baco, Leyte, Leyte kakulop nga adlaw, Agosto 4.
Sumala kan Leyte-Leyte Municipal Police Station Deputy Chief of Police, PLt. Oliver Mandreza, nawarayan hin kontrol an nasabi nga truck pag-abot ha nasabi nga lugar.
Nagbibiyahe tikang ha Ormoc City an nasabi nga truck ngan tikadto unta ha Naval, Biliran.
Sumala ha driver han truck, pag-abot niya ha nasabi nga lugar in waray dumara an preno han iya sarakyan sanglit iya nala ine gin kabig rason han kahuyang han truck ngan pagsarang han mga karga hine.
Waray naman iba nga nadarahigan han disgrasya pero nag-angkon hin minor nga kasamdan ha iya may wala nga sugbong ngan braso an driver han truck.
Dayun naman nga gin respondehan han mga personahe han Leyte, Leyte MDRRMO han nasabi nga disgrasya.
