-- Advertisements --
TACLOBAN CITY — Maabot ha 7million pesos an nahipatik nga danyus ha imprastraktura ha bungto han Can-avid Samar tungod han gin-abat nga makusog nga linog.
Sumala kan Ivy Capada, MDRRMO han Can-avid, ginlalauman pa nga madudugngan an mao nga kantidad han danyus tungod padayon pa an ira gindudumara nga assessment.
Dugang pa hini nga lima nga mga barangay ha ira bungto an duro nga nadarahigan han linog kun diin damo nga kabablayan dinhi an mga nagka rurun-og.
Samtang waray naman nahipatik nga casualty ngan injured ha ira munisipalidad.
Gin-abisohan naman MDRRMO an mga residente nga magin vigilante tungod ha ginlalauman nga nabibilin pa nga mga aftershocks durot han natabo nga linog.
