Ginmandohan han Sandiganbayan Fifth Division hin dugang nga 90 ka-adlaw nga preventive suspension kan Senator Jinggoy Estrada samtang naatubang ini ha kaso nga plunder mahitungod ha daw anomalya ha flood control projects.
An nasabi nga kamandohan in pirmado ni Associate Justice Zaldy Trespeses kasunod han paghuhuman han siyahan nga suspensiyon nga ginsumite han Sandiganbayan Second Divsion dida han Hunyo.
Ginmandohan gihapon hini nga dapat in tagan hin kopya an Office of the Senate President kasumpay ha nasabi nga mando.
Samtang, dugang pa hini nga ira naresolba na an tanan nga mga mosyon nga nakwestyon ha validity han case information nga mayda sulod nga formal charges kontra kan Estrada.
Naatubang hi Estrada hin kaso nga graft kun diin otomatiko nga nagpapasaka ini hin 90 ka-adlaw nga suspensyon kontra ha opisyal.
