An gobyerno han Pilipinas ha pamamaagi han Department of Finance, in nakahuram hin 212 million euro o P14.98 billion tikang ha World Bank – International Bank for Reconstruction and Development agud paupayon an water security, supply, ngan sanitation ha mga lugar nga kulang ha serbisyo ha Pilipinas.
Ha usa nga surat, ginmalatumat han DOF nga susuportaran han official development assistance nga pondohan an Accelerated Water and Sanitation Project in Selected Areas nga igpapatuman han Department of Public Works and Highways ngan Department of the Interior and Local Government.
Panuyuan han AWSPSA nga sulosyonan an water security ngan disinfection challenges ha mga nagkukuri ngan mga lugar nga kulang ha serbisyo ngan paupayon an water supply and sanitation services agud suportaran an pagribhong han ekonomiya ngan ibanan an environmental risks tikang ha kawaray hin tubig.
Ginduon pa han DOF nga an MPA Program in gindesenyo agud suportaran an napapabilin nga investments nga nagpahugot ha water security ngan mapaupay an karig-on ha water-related climate risks, paghahatag hin programmatic network agud solusyonan an “evolving water and sanitation needs” han nasud.
