TACLOBAN CITY – Ginsisiguro han Department of Agriculture (DA) nga sadang an suplay han pagkaon ha bug-os nga nasud ha kaluyo han nagpapadayon nga epekto han COVID-19 pandemic.
Sumala kan Francis Rosaroso, tagapagyakan han DA Regional Office 8, mismo hi Sec. William Dar an nagmalatumat nga sadang an suplay han pagkaon ha nasud ha kaluyo han pandemya ngan ha kamatuoran in may sobra pa nga suplay hin bugas para ha 90 diyas kahuman hiton presente nga tuig 2020.
Supresyente gihapon an produksyon hin mais ngan iba pa nga mga utanon kun diin mayda year end stock nga mahagos ha pira pa kabulan.
Yana gihapon na mga bulan in panahon han pananom han mga parag-uma sanglit ginlalauman an masagana an ani o harvest yana nga tuig.
Tungod nga dire naman nagkukulang hin suplay in waray gihapon nahihipatik nga paghitaas o pag-gius han presyo han mga panguna nga mga pagkaon.
