Ginsigurado han Department of Agriculture (DA) nga supresyente an suplay han agricultural products ha nasud ha masunod nga 90 kaadlaw o kutob ha bulan han Hunyo han presente nga tuig.
Ini in ha kaluyo pa han nagpapadayon nga kasamok ha Middle East ngan paghitaas han presyo han mga produkto nga petrolyo.
Sumala kan Agriculture Secretary Francisco Laurel Jr., presente nga waray isyu nga nakakaapekto ha mga pangunahon nga papliton kaupod an bugas.
Ginmalatumat gihapon han sekretarya nga magpapabilin nga madig-on an suplay magin kutob ha bulan han Hulyo.
Pag-eksplikar han DA Chief, pangunahon nga rason in damo an stocks han bugas ha National Food Authority (NFA) nga haros katunga hin tonelada han bugas.
Sugadman, panahon yana han peak harvest kutob ha bulan han Mayo.
Samtang, pag-abot ha iba pa nga agricultural products, nagpapabilin nga madig-on an supply level kaupod na an mais, asukar, ngan sibuyas.
Ini in mahitungod nga nagpapadayon an produksyon han utanon mahitungod ha presente nga planting ngan harvesting season, samtang ha suplay naman han karne nga baboy, nagpapabilin nga supresyente ha parehas lokal nga produksyon ngan imported stocks nga ada ha cold storage.
