NATIONAL – Nanindugan hi Department of Agriculture Sec. Francisco Tiu Laurel Jr. nga an nagin desisyon ni Pres. Ferdinand Marcos Jr. nga pagsuspinde ha importasyon han bugas in usa nga kalkulado nga pitad.
Sumala ha sekretarya, ini in baton ha ayat han gutiay nga presyo han humay nga ginaaraba yana han mga lokal nga parag-uma.
Naghahatag ini hin maupay nga proteksyon ha mga parag-uma ngan mga konsyumer mahitungod nga imbest igpahitaas dayon an taripa ha imported rice in ginpili han gobyerno nga suspendiron an importasyon nga posible bawion la kun kinahanglan.
Sumala kan Sec. Laurel Jr., susubaybayon han ahensya an epektoi hini agud makabug-os hin sakto nga datos ngan makaghimo hin insakto nga pitad.
Kinahanglan mapabilin an proteksyon ha mga parag-uma han dire hira malulugi ha ira pagtatanom han humay pero kinahanglan gihapon mapabilin an abot-kaya nga bugas ha mga merkado.
Samtang, ginrekomenda gihapon han DA nga ipahitaas an rice tariff tikang ha 15% pakadto 25% kutob nga magin 35% pero ginugsod la aanay hini agud pag-estudyohan hin maupay an epekto han suspensyon ha presyo ngan suplay.
