NATIONAL NEWS– Gin-imbitaran ni Philippine National Police (PNP) Chief PGen. Nicolas Torre III hi Vice President Sara Duterte ha National Headquarters han PNP agud nga igpakita an paggamit han makabag-o nga moderno nga teknolohiya ha pagkasa han mga police operations ngan para ha mas madagmit nga police response han ira han-ay.
Ine in mahuman nga batikuson han Bise-Presidente, an inisyatibo han liderato ni Torre kumo bag-o nga hepe han organisasyon nga ginpapakusog han police visibility han ira han-ay ha mga kakarsadahan ha bug-os nga nasud kumo ‘outdated’ nga stratehiya han mga kapulisan.
Kasunod ine in gin-imbetaran han hepe an ika-duha nga presidente agud nga personal nga makit-an niya kun pati-unano ginagagamit an moderno nga approach ha mga malinampuson nga pagresponde han kapulisan ha mga emerhensiya hiton publiko.
Dugang pa hiton hepe, mayda hira mga makabag-o nga kagamitan sugad hiton drone, CCTV cameras ngan magin mga body cameras ngan iba pa nga mga kagamitan agud nga masigurado nga madagmit ngan accurate an magigin pagrespoinde han ira kapulisan ha mga tawag han publiko ha ira 911 emergency hotline.
