TALOBAN CITY- Ginpaharuhaluag pa an Livelihood program han
Comprehensive Livelihood and Extension Program (CLEP), agud nga damo pa nga mga residente an maakomodar ilabi na an mga nag-uukoy ha norte nga parte han syudad.
Panuyo han mao nga progranma in agud nga mapahirihitaas pa an City economy, pinaagi han pagsuporta han City government in nagsisirbe ine ha mga interisado nga mga benepesyaryo nga magpailarom hin training courses sugad hiton food processing, baking, reflexology, dressmaking, ngan damo pa nga iba.
Sumala kan Ruena Mate, Head Community Livelihood and extension Program, nga hapagkyana in mayda hira presente nga nag tre-training ngan an mga ine in ada na han ira ika-10 ka adlaw, kalakip dinhe an mga nanay, grandmoms, ngan youth, nga nag-uukoy ha Guadalupe ngan New Hope Village, kun diin ginkikihanglan han mga benepisyaryo nga mahuman an 15-days training agud nga magin qualified kumo completers han mao nga programa.
Dugang naman han mao nga opisyal, nga kumo pagtikang han ira livelihood in mayda libre nga ginhahahtag an ira buhatan nga Starting kits ngan capital para ha mga benepisyaryo ngan ine in ighahatag ha culmination activity.
Ginmalatumat naman hine nga nag-ooffer gihapon an ira buhatan han mao nga programa han CLEP ha Ridgeview, Villa Diana, Brgy. 66 Paseo ngan Marasbaras.
