Pormal na nga igsasalang ha General Court Martial hi Colonel Audie Mongao mahuman nga makitaan hin supresyente nga basaranan an mga report nga ginbawi hine an iya suporta kan Presidente Ferdinand Bongbong Marcos Jr.
Ha usa nga press conference kakulop nga adlaw, gin kumpirma ni Philippine Army Chief Lieutenant General Antonio Nafarrete nga aatubangon ni Mongao an kaso-pagtalapas ha Article 63 o an Disrespect toward the President, Vice-President, National Assembly under the Articles of War.
Sumala kan Nafarrete, nahuman na an imbestigasyon ha Training Commnand ngan ginbubug-os na an lupon para ha pagdungog.
Dugang pa han heneral, klaro nga an nagin pitad ni Mongao in kawaray pagrespeto ha Articles of War.
Manunumduman nga gintanggal hi Mongao kumo commander han Training Support Group mahuman nga magsarang ha social media an paghayag hine han withdrawal of support ha Punong Ehekutibo.
Hi Mongao in ginkokonsidera nga senior officer nga mayda sobra tulo kadeka nga serbisyo ha Hukbong Katihan.
