TACLOBAN CITY– Ginpahibaro han City Civil Registrar Office Tacloban, nga nakalatag na an ira mga aktibidad para ha mga Taclobanons.
Sumala kan City Civil Registrar Office Tacloban, Head, Imelda Roa, yana nga bulan hiton Pebrero magkakamayda an ira buhatan hin caravan, kun diin maglilibot hira ha kada bungto ha rehiyon.
Dugang pa hine, magtitikang an ira caravan ha syudad han Tacloban, ngan maghuhuman naman ine ha Hilongos Leyte.
Dugang pa ni Roa, nga kinada Pebrero nagkakamayda an ira buhatan hin Free Delayed Registration.
Ginpaangbit naman hine nga kadam-an nga nagpapa delayed registration in an mga edaran na, matungod nga han nakalabay nga mga panahon dire mangud gintatagan hin importansya an mga dokumento, kun diin dako an pinagkaiba yana nga panahon tungod nga bisan anu nga transaksyon in nagkikinahanglan na hin mga kaangayan nga resiketos.
