-- Advertisements --
NATIONAL NEWS– Ginkakabarak-an han National Bureau of Investigation (NBI) an kadamo nga mga impormasyon nga ira nakukuha tikang ha Chinese national nga naarestohan nakalabay harani ha opisina han Commission on Elections ha Intramuros, Manila.
Manunumduman, nakuhaan an nasabi nga Chinese hin International Mobile Subscriber Identity (IMSI) catcher, usa nga device nga mayda kapasidad nga mag-intercept hin mga phone communications ha sulod hiton pira ka kilometro nga radius.
Sumala kan NBI spokesperson Ferdinand Lavin, padayon nga ginpapanginano an mga nakumpiskar nga device ngan kagamitan tikang ha suspek agud nga matudlok an kahirayo han operasyon hine, ngan matudlok kun anu kadamo hiton impormsayon ngan datus an nakakawat hine.
