TACLOBAN CITY — Hi Weng Xiaoping in usa ha mga ginkikilala nga doktor ha China pero nagretiro na hiya ngan yana in gin aalutaga na niya an iya oras ha pag aalaga hin mga kaayaman ngan kamisayan (askal ngan pusakal).
Mas nakakabilib an iya storya tungod iginbaligya hin 1.8 milyon yuan (kabalyo hin P13 milyon) para ha iya misyon nga atimanan an mga makalolooy nga hayop.
Gamit an kwarta nga iya nabaligyaan, pumakadto hi Weng ha Taiping-qiao, Huzhou City ngan nagtindog hin usa nga sanktuwaryo para ha mga ayam ngan misay nga gin abandona han ira mga agaron ha kakalsadahan.
Yana in yinukot yukot na nga mga hayop an naagi ha pangangalaga ni Weng. Nahihimo niya ini ha bulig han duwa nga assistant nga iya ginswesweldohan gamit an 7,000 yuan (katumbas hin masobra P50,000) tikang ha iya kinada bulan nga pensiyon.
Kaudgan in nagsho-short gihapon hiya hin salapi para ha iya mga alaga. Umabot daw ha 50 kilos nga bugas an nakakaon han mga hayop nga ada ha iya pangangalaga amu nga danay in kinahanglan niya nga lumaum ha mga naghahatag hin donasyon ha iya sanktuwaryo.
An panguna nga ginpapaghuna hunaan yana ni Weng in kun hino an magmamana ha sanktuwaryo nga iya igintindog kun hiya in lagas lagasan na. Naglalaum hiya nga hihigugmaon gihapon han hinoman nga masunod ha iya yapak an mga ayam ngan misay nga iya ginhigugma ngan ginpan alagaan.
