-- Advertisements --
Imbes nga usa nga bagsakan la, nagin installment an pagpapatuman han P18 per kilogram nga dugang ha presyo han liquefied petroleum gas yana nga Oktubre.
Sumala ha LPG Marketers Association, gintikangan an P10 per kilo nga dugang ha presyo han LPG dida han Sabado, Oktubre 3.
Susundan naman ini hin P5 nga dugang ha Oktubre 10 ngan an nasasalin nga P3 in aada naman igro-rollout ha Oktubre 17 kun diin, ha kabug-usan in magigin P1,600 na an LPG tikang ha presente nga P1,400.
An pag-umento ha presyo han LPG in kasunod han padayon nga kasamok ha Middle East.
