Gin-veto han China ngan Russa an usa nga resolusyon han United Nations Security Council nga panuyo aghaton an mga nasud nga magbinuligay agud maproteheran an mga komersyal nga barko ha Strait of Hormuz.
Ha botos nga 11 pabor, duha nga dire pabor, ngan duha nga abstain tikang ha 15 nga membro han konseho, pakyas an resolusyon nga maipasar an veto han duha nga permanente nga membro.
Sumala kan Bahrain Foreign Minister Abdullatif bin Rashid Al Zayani, waray kaaprubahi an panukala mahitungod ha pagbalabag han usa nga permanente nga membro han konseho.
Nag-ugat an resolusyon mahuman haros igsara han Iran an Strait of Hormuz kasunod han sobra lima kasemana nga kasamok ha rehiyon nga nagtikang mahuman an pag-atake han US ngan Israel kontra ha Iran.
Gin kondena naman ni U.S. Ambassador Mike Waltz an ginbuhat nga pag-veto han China ngan Russia nga gintawag hini nga ”a new low,” ngan gin akusahan nga gin uugupan an Iran.
Dugang pa hini, naapektuhan na gihapon an pagdudul-ong hin bulig-medikal ha mga lugar nga mga krisis sugad han Congo, Sudan, ngan Gaza mahitungod ha pagsasarado han strait.
Nanawagan an Estados Unidos ha iba pa nga nasud nga makiusa ha ira pitad agud masigurado an seguridad ngan libre ngan talwas nga pag-agi han mga barko ha Hormuz.
Dismayado gihapon an France ha nagin aksyon han Russia ngan China.
Sumala kan U.N. Ambassador Jerome Bonnafont, panuyo han resolusyon nga maghatag la hin seguridad ha nasabi nga duruongan agud mapabilin an katalwasan ha rehiyon agud malikayan na gihapon an pagduro han tensyon ha Middle East.
