ODD NEWS – Nakakarawat han iya ikaduha nga Guiness World Record an usa nga chef, mahuman hira nga magluto han “World’s Largest Chicken Nugget”.
Tungod nga usa ha specialty ni DiGiovanni an chicken nuggest naisipan niya nga ini an lutuon nga pagkaon para ha ira ikaduha nga Guiness record.
Agud nga makaghimo hin dambuhala nga chicken nuggets nga 115 kabeses an kadako kompara han normal nga nuggets, ginkinahanglan nira hin 18 kilos hin ground chicken, 40 nga bonay, 40 slices hin white bread, katunga hin gallon hin gatas, 3/4 cup hin onion powder, 3/4 cup hin garlic powder, 1 cup salt, ngan 1/2 cup hin black pepper.
Para maluto ini, nagpahimo hira hin dako nga oven para maupay an pagkaka-bake han mao nga dambuhala nga chicken nugget.
Samtang, ginluluto nira ini in may nakabantay nga Guinness World records adjudicator para on the spot nga mahatag an ira bag-o nga titulo.
Han malinampuson nira ini nga maluto, ginturunga nira ini para kaunon han ira mga kasangkayan, pamilya ngan crew members.
