-- Advertisements --
SPORTS – Opisyal na nga nagretiro ha pagmumulay han basketball an all-time leading scorer han Charlotte Hornets nga hi Kemba Walker.
Hi Walker in upat kabeses nga nakapagmulay ha NBA All-Star ha sulod han 12 season han iya pagmulay ha NBA.
Nagmulay ine hin walo nga magkakasunod nga season ha Hornets tikang han 2011 kutob 2019 ngan nahingadto ha Boston Celtics dida han 2019. Nag iha ine ha nasabi nga koponan kutob han 2021 hasta nga ma-trade ine ha New York Knicks.
Tikang ha Knicks in bumalhin ine ha Dallas Mavericks dida han 2022-2023 season.
An 6-foot guard in usa ha mga kilala nga point guard ha bug-os nga NBA mahitungod han kalaksi han gios ngan maupay nga shooting performance hine.
