-- Advertisements --
NATIONAL– Iginkalipay ngan gintutudlok nga welcome development han Department of Foreign Affairs (DFA) an ceasefire deal han Estados Unidos ha butnga han Iran ngan Israel.
Subay ha ahensya, usa ini ha mga importante nga pitad agud mapuypoy na an tensyon ha Middle East.
Ha kaluyo hini, nagpahinumdom an DFA ha mga Pilipino nga nahimumutang ha mga apektado mnga lugar nga maghirot ngan magin-alerto enkaso nga utro magpadayon an kasamok.
Ha pagkayana in naglulunsar la gihapon hin missile an duha nga nasod, pero naglala-om an ahensya nga mahuhuman na an giyera.
Samtang, iginpatapod han DFA nga andam hira nga maghatag hin bulig ha mga apektado nga Pilipino, partikular na an mga karuyag bumalik ha Pilipinas.
