NATIONAL – Nanawagan ni Senador Alan Peter Cayetano nga dayun nga igbalik an pondo para ha programa nga Basic Education Facilities han Department of Education (DepEd).
Dugang pa hine, importante ine ha paghahatag hin maupay ngan talwas nga pasilidad para ha milyon-milyon nga istudyante nga Pilipino.
Gin pahayag ni Cayetano nga an pag-iban han pondo para ha rehabilitasyon ngan paghingayad han mga iskuylahan han DepEd in maglilimita ha kapas han gobyerno nga batunon an huruot nga mga classrooms ngan paghingayad ha mga naguba nga pasilidad.
Pag-eksplikar pa hine, kun kulang ngani an pondo in makukurian an gobyerno nga makaghatag hin talwas ngan epektibo nga mga lugar para ha pag-aram han mga istudyante.
Dugang pa hine, an nasabi nga mga problema in mas gin pa-grabe pa han danyos nga durot han maraot nga panahon ngan pagbabag-o han klima, sanglit kinahanglan daw an pagtutok ha rehabilitasyon ngan pagpapa-upay han mga pasilidad ha edukasyon.
