TACLOBAN CITY – Ginpahayag han Department of Social Welfare and Development (DSWD) Regional Office 8 nga ginlalauman san-o mahuman yana nga bulan han Setyembre in posible nga mairelease na an cash grant han mga 4Ps beneficiaries ha ilarom han Philippine Veterans Bank (PVB).
Sumala kan Paula Unay, DSWD Regional Program Coordinator han 4Ps, nadelatar an payout han maabot 68,000 household beneficiaries ha ilarom han PVB mahitungod nga nagkaada hin delay ha MOA signing durot na gihapon han new normal setup nga ginpapatuman ha pagkayana.
Pero ginklaro naman hini nga han nakalabay la nga semana in napirmahan na an mao nga MOA han PVB ngan DSWD ngan ha pagkayana in ginproproseso na an payroll para ha mga benepisaryo.
Ginpatapod gihapon han Philippine Veterans Bank nga pananglitan maitransfer na ha ira an pondo tikang ha DSWD in dayon ini nira nga igcrecredit ha cash card han mga benepisaryo.
Nahibaruan nga tulo kapayroll an nakatalaan nga makarawat nga cash grant han mga benepisaryo ha ilarom han PVB.
