INTERNATIONAL–Ginpahayag ni California Gov. Gavin Newsom nga interesado hiya dumalagan pagka presidente han US ha tuig 2028.
Dugang pa hini nga nagbubuwa hiya kun diri niya aminin an iyta intres ha pagdalagan.
Karuyag hini pakusgon an mga Democrats para utro nira makontrol an House of Representatives.
Dugang pa hini nga mahuhuman na an career ni US President Donald Trump kun magpwersa an mga Democrats ha 2026 midterm elections.
Pira ha mga nagpahayag gihapon nga karuyag dumalagan pagka presidente hira anay Vice President Kamala Harris, ngan mga Democrats nga kalakip hira Illinois Gov. JB Pritzker, Michigan Gov. Gretchen Whitmer , Pennsylvania Gov. Josh Shapiro. dating Transportation Secretary Pete Buttigeg ngan New York Rep. Alexandria Ocasio-Cortez.
