-- Advertisements --
TACLOBAN CITY- Nagbilin hin duha nga patay ngan usa nga arestado an guinbuhat nga drug buy-bust operation han mga otoridad ha 4th Street, Barangay 59- A Sampaguita ha syudad han Tacloban.
Sumala kan PSI Jessica Ortega, Information Officer han Tacloban City Police Office nga guinkilala an mga namatay nga hira Kenneth Bertes ngan Aldrin Iriete, ada ha legal nga pangidaron ngan waray pa kahisabti kun taga diin an mga ini.
Samtang, arestado naman hi Alcarie Trono, 24 anyos an pangidaron, studyante ngan residente han mao nga lugar.
Dugang pa ni Ortega nga umato ha operatiba an duha nga suspek nga nagresulta han dagmit nga pagkamatay han mga ini.
Nakumpiska ha mga suspek an pira ka sachet nga may sulod han guintutuuhan shabu ngan armas de fuego.
