TACLOBAN CITY– Ginpaangbit hiton Bureau of Fire Protection Tacloban, an ira nakahan-ay nga aktibidad kumo paghuhuman hiton Fire Prevention Month yana na bulan hiton Marso.
Sumala kan SFO1 Lorlie Daiz, Chief Community Relations Unit, ha pagkyana in nagkakamayda hira hin gift giving, kun diin an ira benepisyaro in aadto ha Women’s Shelter, ngan magkakamayda hira Spoken poetry regional level competition, ngan papartisiparan naman ine hiton Eastern Visayas State University.
Dugang pa hine, pag-abot naman hiton ala-1:00 hiton kulop buwas nga adlaw, magkakamayda hira hin exhibit ha usa nga mall nga nahihihmutang ha may New Bus Terminal Abucay, ngan an mga partisipante hine an GMA Kapuson Integrated School.
Ginpaangbit pa ni Daiz, ha Marso 28 magkakamayda hira hin zumba, ngan frisbee, samtang pag-abot naman hiton ika-31 in pagdudumaraon na iton culmination program para hiton Fire Prevention Month.
