TACLOBAN CITY — Hinay-hinay na nga nagdadamo an mga sumaraka ha bukid Fatima ha Brgy. 3 Upper Nula Tula Tacloban City yana nga semana santa.
Sumala kan Hon. Salvador Altares, Brgy. Chairman Brgy. 3 Upper Nula tula Tacloban City, kakulop nga adlaw in nakaghipatik hira hin masobra 200 nga mga indibidwal nga sumaka ha mao nga bukid.
Nadugangan na ngadaw an mga sumaka yana nga tuig matungod ha pagpapailarom ha alert level 1 status han siyudad kumpara han nakalabay nga tuig.
Yana naman nga Biyernes Santo in ginlalauman nira nga mas madamo pa nga mga katawhan an mabisita o kun masaka ha bukid Fatima.
Samtang, ginpapatuman lagihapon an “operasyon kapkap” ha mao nga bukid ha posibilidad nga mayda magdara hin mga hinganiban nga pwede maging kawsa hin maraot nga panhitabo.
Nagpapasalamat naman an mao nga Kapitan ha mga uniformed personnel sugadman ha pira nga mga volunteer ha pag-asister ngan pagbabantay ha mga masaka nga mga indibidwal yana nga semana santa.
