NATIONAL– Igin-anunsyo han Sugar Regulatory Administration (SRA) nga an bug-os nga produksyon han asukar ha nasud para ha crop year 2025-2026 in ig-aalutaga para ha domestic use.
Sumala kan SRA Administrator Pablo Luis Azcona, tikang ha Setyembre 1, an tanan nga akusar in igtutudlok kumo “B” sugar o para la ha mga lokal nga consumer.
Samtang an milling season naman in magtitikang ha Oktubre 1 kasunod han tulo ka-tuig nga transisyon agud mahibalik ha urhi nga parte han tuig.
Ha kaluyo han pagkakaada hin alokasyon tikang ha U.S. Tariff Quota (TRQ), waray igin-alutagar nga asukar para ha export mahitungod nga nagpapabilin nga hamubo an lokal nga produksyon komparar ha panginginahanglan han nasod.
Ini in mahitungod nga umabot na ha 2.084 million metric tons (MMT) an kabug-usan nga raw sugar output han nakalabay nga Hulyo 27 tikang ha haros 26 MMT nga canes ha 405,000 hektarya.
Samtang, nagpahimatngon naman an SRA ha padayon nga infestation han red-striped soft scale insects (RSSI) ha sobra 3,200 hektarya ha Negros Island ngan Panay.
