NATIONAL – Ginparayaw ni Bureau of Corrections Director General Gregorio Catapang Jr., an paghamubo han congestion rate ha mga presohan ha bug-os nga nasud.
Sumala ha Bureau of Corrections humamubo hin 69% an paghuruot ha mga presohan ha nasud, tikang ha 356% in aada ha 287% na la ini.
Ginmalatomat ni Catapang nga dako an nagin epekto han 69 ka-porsiyento nga paghamubo han congestion ha mga presohan nga nagresulta ha pagpapagawas han damo nga persons deprived of liberty.
Dida hgan 2025, maabot ha 10,000 PDLs an ginpagawas han BuCor, nga gintutudlok ni Catapang nga record-breaking.
Ginparayaw gihapon hgan BuCor chief an malinampuson nga pagbungkag ha mga ilegal nga kubol ngan pankumpiskar han mga kontrabando ha sakob han prisohan nga pamatud-an nga mas ginpahugot nga disiplina ngan kaupayan ha mga pasilidad penitensiyaryo.
Ginpaangbit gihapon ni Catapang nga ha siyahan nga tulo ka-tuig han administrasyon ni Presidente Ferdinand Marcos Jr., haros 18,000 PDLs an ginpagawas mahuman an sentensiya, 5,000 an natagan hin parole, ngan 4,000 an naabsuwelto.
