Gin perdi han Milwaukee Bucks an Memphis Grizzlies ha iskor nga 131-115 ha ira mulay dida han Dominggo ha Fiserv Forum, Milwaukee.
Ha kaluyo han padayon nga pagkawara ni Giannis Antetokounmpo mahitungod ha injury, ginpangunahan ni Ryan Collins an Bucks nga mayda 24 puntos, samtang nag-amot gihapon hira Cormac Ryan hin 21 puntos, Myles Turner hin 19 puntos ngan 11 rebounds, ngan Taurean Prince nga nakaghipatik hin 19 puntos tikang ha haros perpekto nga shooting.
Samtang, nakaghipatik hi Rayan Rupert han Grizzlies hin tagdanay nga triple-double nga mayda 33 puntos, 10 rebounds, ngan 10 assits, pero waray ini magin sakto agud pugngan an madig-on nga opensa han Milwaukee.
Napirde an Memphis han ikaupat nga sunod nga mulay ngan 17 kabeses ha katapusan nga 19 nga mulay, samtang an Bucks in nakabalik ha daog mahuman duha nga magkasusrunod nga pagkaperdi.
An kadaugan in pamatuod han kapas han Milwaukee nga mag-adjust bisan waray an ira star player, samtang padayon naman nga nakukurian an Grizzlies mahitungod ha susrunod nga injuries han ira roster.
