Plano han Maharlika Investment Corporation (MIC) nga magtukod hin mas ginpahaluag nga oil storage facility ha Pilipinas pinaagi han bulig han gobyerno ngan pribado nga sektor agud makabulig nga proteheran an nasud tikang ha tigdaay nga paghitaas han presyo han lana.
Sumala kan MIC President ngan CEO Rafael Consing Jr., pagdudumaraon an proyekto ha ilarom han consotium model kun diin an Philippine National Oil Company (PNOC) an mag-aamot han tuna ngan iba pa nga assets, samtang an MIC ngan mga pribado nga mamumuhunan an mabaton ha gastuson ngan operasyon han mga tank farm.
Gin malatumat ni Consing nga panuyo hini pakusgon an kapasidad han nasud ha pag-titirok han lana hin dire direkta nga nagdadara hin dako nga risgo an gobyerno ha aktweal nga imbentaryo han lana. Ginbabana-bana nga pwede mahuman ngan magin operations an proyekto ha sulod han duha ngada tulo katuig mahuman tikangan.
Aminado gihapon ini nga an presente nga sitwasyon in nagdurot hin paghitaas han presyo han imporyed fuel hin sobra 60% ngada ha 70%, nga nagreresulta ha mas hitaas nga kapital nga kinahanglan igpagawas han mga retailer agud mapabilin an ira imbentaryo.
Subay ha MIC, an pitad in baton ha presente nga krisis ha presyo han lana nga ginpapaduro han tensyon ha Middle East, kaupod an limitasyon ha importante nga shipping routes sugad han Strait of Hormuz.
Mahitungod hini, umabot na ha sobra P100 kada litro an presyo han pira nga produkto nga petrolyo ha nakalabay nga mga semana, nga nakaapekto ha magkadiru-dilain nga sektor labi na ha transportasyon.
