TEHRAN, IRAN – Yinukot-yukot nga mananarabaho ha Iran an nawarayan trabaho mahitungod ha nagpapadayon nga kasamok ha butnga han Iran ha Estados Unidos ngan Israel nga nagtikang dida han Pebrero 28, 2026.
Nagdurot an krisis hin haluwag nga pag-undang han operasyon han mga pangunahon nga industriya, paglaprak han ekonomiya, ngan grabe nga kakurian para ha mga ordinaryo nga Iranian.
Damo nga mga pabrika, workshops, ngan service projects an nagsara o nag-iban hin operasyon, nga nagresulta ha pananggalan han mga contract worker ngan day laborer.
An mga pangunahon nga sektor han ekonomiya han Iran, sugad han petrochemical plants, pati na an mga pasilidad han puthaw, in nakaabat hin grabe nga danyos o pag-undang han produksyon mahitungod ha mga airstrike, kun diin sobra 30,000 nga empleyado ha industriya han petrochemical an apektado.
Mahitungod ha mga internet blackout nga ginpatuman dida han Pebrero 28, yinukot-yukot nga freelancer, programmer, ngan content producer an nawarayan hin trabaho.
An kasamok in nagdurot na hin paglaprak han produksyon ngan nagpaluya ha ekonomiya han Iran. Basar ha mga notisya an danyos ha ekonomiya in posible umabot ha bilyones.
