TOKYO, JAPAN – Nagpatapud an Japan nga mag-aalutaga ini hin $10 billion o P600 billion agud matuldokan han mga nasud Asyano, partikular ha South East Asia, nga makakuha hin enerhiya kaupod an crude oil ha butnga ha krisis nga durot han kasamok ha Iran.
Ginaunsyo ni Prime Minister Sanae Takaichi an bag-o nga cooperation framework mahuman an online meeting kaupod an iba pa nga Asian leaders.
Ginmalatumat ni Takaichi nga naglalaum an Japan ha South East Asia para ha petroleum-derived products, labi na ha medical equipment, ngan ginduon nga harani an sumpayan han Japan ha mga nasud Asyano ha pamamaagi han supply chains.
Panuyuan han cooperation framework nga buligan an mga Asian countries nga makakuha hin crude oil ngan petroleum products, mapabilin an supply chains, ngan pahalawigon an stockpiles.
Sumala ha Japan’s foreign ministry, nga an $10B financial aid in kaparehas hin haros usa ka-tuig nga crude oil imports han mga nasud kaupod ha Association of Southeast Asian Nations.
